ஈரானின் கடற்படையின் 11 கப்பல்கள் வளைகுடாவில் உள்ள அமெரிக்க கடற்படை மற்றும் கடலோர காவல்படை கப்பல்களுக்கு மிகவும் அருகில் ஆபத்தான முறையில் வந்துள்ளன என அமெரிக்க இராணுவம் அறிக்கை வெளியிட்டுள்ளது.
இதுபோன்ற சம்பவங்கள் சில ஆண்டுகளுக்கு முன்பு சிலமுறை நிகழ்ந்திருந்தாலும், சமீபகாலமாக இருநாடுகளுக்குமிடையில் உறவுநிலை சரிவடைந்துள்ள நிலையில் இல்லாதிருந்தது.

ஆறு அமெரிக்கக் கப்பல்கள் சர்வதேச கடற்பரப்பில் அமெரிக்க உலங்குவானூர்திகளுடன் ஒருங்கிணைப்பு பயிற்சி நடவடிக்கைகளை
மேற்கொண்டிருந்தபோது ஈரானிய கப்பல்கள் அவற்றினை அணுகியதாகவும் ஒரு கட்டத்தில், ஈரானிய கப்பல்கள் அமெரிக்க கடலோர காவல்படைக் கப்பலான மாயி (US Coast Guard cutter Maui) இற்கு 10 முழங்களுக்குள் வந்ததாகவும், ஈரானிய கப்பல்கள் சுமார் ஒரு மணி நேரத்திற்குப் பின் அங்கிருந்து புறப்பட்டதாக அந்த அறிக்கையில் மேலும் தெரிவிக்கப்பட்டுள்ளது.
ஈரானிய ஊடகங்களில் இந்த சம்பவம் பற்றி எதுவும் குறிப்பிடப்படவில்லை.