கிழக்கு மாகாண கல்வி திணைக்கள நிர்வாக பிரிவில் கொவிட்- 19 தொற்று உறுதிப்படுத்தப்பட்டுள்ளமை காரணத்தால் கிழக்கு மாகாண கல்வி திணைக்கள நிர்வாக பிரிவு தற்காலிகமாக மூடப்பட்டுள்ளதாக மாகாணக் கல்விப் பணிப்பாளர் எம்.டி.ஏ.நிசாம் தெரிவித்துள்ளார்.
இந்த நிலையில் கல்வி திணைக்கள உத்தியோகத்தர் ஒருவருக்கு கடந்த 10 ஆம் திகதி கொவிட் 19 தொற்று உறுதிப்படுத்தியநிலையில் அடுத்து நடத்தப்பட்ட அன்ரிஜன் மற்றும் பி.சி.ஆர் பரிசோதனைகளின் போது பத்து பேருக்கு கொவிட்-19 உறுதிசெய்யப்பட்டது.
இவ்வாறுதொற்றுக்குள்ளானவர்களை தனிமைப்படுத்தும் நிலையங்களுக்கு அனுப்பி வைக்கப்பட்டுள்ளதுடன் ஏனைய உத்தியோகத்தர்கள் அவர்களது வீடுகளில் தனிமைப்படுத்தப்பட்டுள்ளதாகவும் கிழக்கு மாகாண கல்விப் பணிப்பாளர் தெரிவித்துள்ளார்.
மேலும் மாகாண கல்வி பணிப்பாளர் பி.சி.ஆர் பரிசோதனைக்கு உட்படுத்தப்பட்ட போது அவருக்கு கொரோனா தொற்று இல்லை எனவும் அறிவிக்கப்பட்டுள்ளதாக கிழக்கு மாகாண கல்விப் பணிப்பாளர் எம்.டி.ஏ.நிசாம் தெரிவித்துள்ளமை குறிப்பிடத்தக்கது.
